ہری پور: تربیلا ڈیم کے پانچویں توسیعی منصوبے ٹی 5 کے انٹیک پر بنے حفاظتی بند کا ایک حصہ پیر کے روز ٹوٹ گیا، جس سے ٹنل نمبر 5 اور زیر تعمیر پاور ہاؤس کے علاقے میں پانی داخل ہو گیا۔ حادثے کے بعد منصوبے پر کام غیر معینہ مدت کے لیے بند کر دیا گیا ہے۔ حکام کے مطابق منصوبے پر کام کرنے والے تمام پاکستانی اور غیر ملکی ورکرز کو بحفاظت نکال لیا گیا ہے اور کوئی جانی نقصان نہیں ہوا۔
واپڈا کے مطابق پانی اس وقت داخل ہونا شروع ہوا جب کنیکٹنگ ٹنل کے دوسرے بینچ کی کھدائی جاری تھی اور چٹان کا ایک کمزور حصہ گر گیا، جس کے بعد انٹیک پٹ کا پانی ٹنل اور پاور ہاؤس کے علاقے میں آ گیا۔ واپڈا کا کہنا ہے کہ انٹیک پٹ سے پانی مکمل طور پر نکال دیا گیا ہے اور نچلی طرف کے تعمیراتی مقامات کی طرف مزید پانی نہیں آ رہا، جبکہ زیر تعمیر پاور ہاؤس سے پانی نکالنے کا کام جاری ہے۔
مکمل خبر یہاں پڑھیں: تربیلا ٹی 5 کا حفاظتی بند ٹوٹ گیا، ٹنل میں پانی داخل، تمام ورکرز بحفاظت نکال لیے گئے، کام غیر معینہ مدت کے لیے بند
